🌙聽講七月時有真濟禁忌，論真講是咧提醒咱一寡代誌啦！～
________________________________________
🚫掠交替lia̍h-kau-thè（抓替死鬼）
老大人會交代咱講七月時仔毋好去耍水，驚水鬼會掠交替，其實是提醒咱熱天去耍水著愛細膩，溪底佮海底的地形複雜，閣(gâu)拄著西北雨，所以水流變化咱較歹按算！
（長輩會交代農曆七月不要去玩水，怕有水鬼抓替死鬼，其實是要醒我們夏天玩水要小心，溪裡和海底地形複雜，又加上易有午後雷陣雨，所以難以預料水流變化。）
👻魔神仔 môo-sîn-á（鬼魅、幽靈鬼怪）
過去真濟(peh)山去搪著魔神仔的傳說，不管有影抑無影，山裡天氣變化大，連鞭罩霧、連鞭落雨，若欲(peh)山，愛頂真評估狀況，注意安全。
（過去有許多登山遇到鬼魅的靈異事件，無論是真是假，山裡天氣易變，一下子濃霧、一下子下雨，如果要爬山，就要仔細評估狀況，留意安全。）
🎵呼噓仔 khoo-si-á（吹口哨）
民間流傳三更半暝呼噓仔，會共一寡無形的招招來。換一个角度，半暝仔佇遐呼噓仔、嘻嘻嘩嘩，會共人吵著，影響厝邊頭尾的睏眠。論真講，嘛代表你晏睏會影響健康呢！
（民間流傳半夜吹口哨，會招來鬼魅。換個角度想，半夜在那吹口哨、嬉鬧喧嘩，會吵到別人，影響鄰居睡眠。其實，也代表著你晚睡熬夜會影響健康耶！）________________________________________
📌咱只要守規矩、顧安全、互相尊重，日子就會過得安安穩穩啦！
近期迴響